شمشاده ئه‌مه یا قه‌ده یا سه‌روی ڕه‌وانه
یا عه‌رعه‌ره یا نه‌خلی مرادی دڵ و جانه
داخۆ ئه‌مه ئه‌گریجه‌یه په‌خشاوه به‌سه‌ردا
یا سونبوله كردوویه صه‌با زولفی به شانه
ئاهووی خوته‌نه جیلوه ده‌كاتن له خه‌طادا
یا چاوی ره‌شی فیتنه‌گه‌ری سورمه كه‌شانه
دڵ هایمه دایم كه ئه‌مه قه‌تره‌یه داخۆ
یا جوزئه‌كی بێ جوزئه موسه‌مما به ده‌هانه
ئه‌م مه‌ی صیفه‌تی خوون خوره وا نازك و سووره
یاقووتی له‌به ، یا گوڵه ، یا قووتی ره‌وانه
ناڵاندم و فه‌رمووی كه ئه‌م ئاوازه حه‌زینه
یا مه‌حوییه یا بولبوله‌كه‌ی فه‌صلی خه‌زانه
ليست هناك تعليقات:
إرسال تعليق